آبل طلعت بتقلد هونر | ايفون 14 برو ماكس iphone 14 pro max
آبل طلعت بتقلد هونر 😱
خلال الأيام اللي فاتت مواقع وصناع محتوى كتير قالوا إن الـDynamic Island بتاعت آبل مش جديدة وإن هونر نفذتها
قبل آبل بأربع سنين، فإيه الحكاية؟!
بص يغالي، تصميم الـPill-Shaped Design نفسه كلنا عارفين إنه مش جديد، هو يعتبر Punch-Hole بس عريض
حبتين، وشوفناه في موبايلات كذا شركة زي +Galaxy S10 و Huawei P40 و Honor V30 وغيرهم. إن جيت للحق
فآبل احتمال كبير تكون استوحت تصميم الثقب الجديد من تصميم الكاميرا الخلفية -مش الأمامية لأ- لموبايل Honor V20
زي ما هتشوف في الكومنت..
طيب وبالنسبة للـDynamic Island دي مش شوفنا حاجة شبهها عند هونر؟ 👀 صحيح هونر حاولت مع V20 سنة
2018 تستغل الـPunch-Hole بإنها تخليه بالسوفتوير عريض بدرجات متفاوتة عشان تحط شوية Notifications جواها،
وعشان كدا فيه اللي بيقول إن آبل قلدت هونر.
لكن مش أي Punch-Hole بيوسع وجواه شوية Notifications يتقال عليه Dynamic Island، لأ يغالي، آبل نفذت
الفكرة بشكل Innovative جداً، بحيث إن الـDynamic Island بتتفاعل مع غالبية الـNotifications سواء كانت
تطبيقات الشركة نفسها أو تطبيقات الطرف التالت بـAnimations سلسة ومريحة بصرياً وتقدر تتحكم فيها باللمس.
موضوع الـDynamic Island بيفكني بالـNotch، صحيح آبل عملته بعد موبايل Essential P1 وكان أكبر في iPhone
X، ولكن آبل عملته أحسن لأنها قدمتلنا الـFace ID اللي عمل طفرة في الـBiometrics ولقينا شركات زي Huawei
بتعملها مع Mate 20 ولحد دلوقت مع Mate 50 Pro ومحدش اتكلم، واللي يقولك إن كل الشركات بتقدم بصمة وجه ومش
ضروري مستشعر 3D يا إما مش فاهم يا إما بيضحك عليك، أنا بعاني مع S22 Ultra ومفتقد الـFace ID أيام ما كان معايا
iPhone Xs.. اللي عاوز أقولهولك مش مهم مين عملها الأول المهم مين عملها أحسن
تصميم الـPill-Shaped Design شبه تصميم الكاميرا الخلفية في Honor V20
ليست هناك تعليقات: