-->

4 خطوات لانقاذ موقعك ومدونتك من الفشل 4steps to save your site from failure


السلام عليكم ورحمة الله وبركاتة قبل ما نبدا صل علي الحبيب محمد صل الله علية وسلم اهلا بيكم اصدقائي في مقال جديد اليوم بإذن 

الله بس اوعي تنسي حبيب قلبي ♥ الغالي انك تدعمنا حتي لو بكلمة حلوة منك هتفرحنا بجد 

هقدم ليكم 4 خطوات لانقاذ موقعك ومدونتك من الفشل

4 خطوات لانقاذ موقعك ومدونتك من الفشل 4steps to save your site from failure 

غالبية المواقع اوالمدونات كمشروع إما بيعاني من قلة الزيارات او انعدام الأرباح بالرغم ان اصحابها مقتنعين 100٪ انهم عملوا 

اللي عليهم وزيادة وان الموضوع كله إما نصيب او ملوش حظ او لأسباب خارجة عن ارادته.. وده بيأدي ف النهاية  لموت 

المشروع سريعا واغلاقه بعد سنة بالكتير من بدايته بعد خسارة وقت ومجهود وفلوس مع احباط .. او موت بالبطيء خاصة لو 

صاحب الموقع متمسك باسلوبه ومش عايز يغيره ومُصر يكمل على نفس النمط على امل انه ف يوم ينجح .. ولو دورت ع الأسباب 

هتلاقي للأسف اسلوب الغالبية منهم هو السبب الرئيسى للفشل.. ‏ ‏لأنه بيبدأ مشروعه غلط وبدون اساس واضح ولا هدف يبني عليه 

بعد ما تاخده الحماسة من شوية افكار عشوائية .. ‏ ‏ احيانا وبالرغم انه اختار المجال اللي بيحبه وبيفهم فيه بيختلط عليه مفهوم  

التقسيم والاستهداف.. ‏ حتى هيكلة الموقع تلاقي التصنيفات بنسبة كبيرة مش مرتبطة ولا بتكمل بعض بشكل سليم .. ده غير المقالات 

اللي مش بتغطي موضوع واحد يخدم رحلة الزاير واحتياجه للنهاية.. ‏ ‏وده اللي هنتكلم فيه باختصار وهناخد عدة امثلة معانا طول 

الشرح عشان يبقى الموضوع واضح ونفهم اللبس جاي منين ونعالجه ازاي.. اول خطوة عشان تبني موقع ناجح محتاج ف البداية 

انك تكون متخصص ف المجال اللي هتشتغل عليه .. او على الأقل شغوف بيه ومتابع كل جديد فيه بشكل شبه يومي. ‏ ‏ والأهم تعيش 

وسط مشاكل الناس ف مجالك وتعرف دايما احتياجاتها والامها سواء من الواقع او من التعليقات ع صفحات وجروبات السوشيال او 

المحتوى المرئي زي اليوتيوب.. ‏ ‏المهم تكون قادر تفهم النية من ورا الكلمة صح وتدور لها على حلول منطقية وصحيحة وتكون 

متأكد منها بنسبة 100٪ وتستعين بمصادر موثوقة مش مجرد نسخ ونقل او اعادة صياغة .. باختصار اعتبر نفسك صاحب المشكلة 

وبتدور لنفسك على حل .. لازم تكون أمين مع نفسك وغيرك .. واياك تكون سبب في ضرر الناس بقصد او عن جهل.. تخيل ان اللي 

يطلب مشورتك ف جهاز موبايل بتبقى امانة لازم تكون قدها .. فما بالك لو الموضوع فيه صحة او مستقبل بني أدم؟! اعتقد مش 

محتاجة شرح. تاني خطوة اعتبر مجالك سوق كبير .. ‏ لازم يتقسم لأسواق اصغر مرتبطة وبتكمل بعض .. وف بداية مشوارك تختار 

منهم واحد بس تبدأ بيه عشان تقدر تغطيه بشكل كامل .. ‏ ‏ ولما تلاقي نفسك جاوبت على كل صغيرة وكبيرة ونجحت فيه وحليت 

مشاكله تبدأ تنقل على سوق تاني مرتبط ومكمل ليه او بديل له .. وتطبق خبرتك اللي اكتسبتها عليه وهكذا ع كل قسم تشتغل عليه .. 

ليه بنقول ده وننصح بيه ؟! ‏ ‏اولا محركات البحث هتقدر تصنف موقعك صح وتفهم انت بتتكلم عن ايه + الزائر يلاقي الفايدة كاملة 

مش تديله لغز ويوقف عنده وتحيره وتخليه يطلع يكمل عند منافس تاني.. ‏ ‏على سبيل المثال: ‏ ‏لو مجالك وسوقك الكبير هو "العناية 

بالأسنان" ‏ اختار منه مثلا "زراعة الاسنان" ‏وبعد ما تخلص تنقل على قسم تاني مكمل ليه ومرتبط ارتباط وثيق او بديل زي مثلا: 

‏"تركيبات الاسنان" او "التهابات اللثة" ‏ ‏طب بناءً على ايه اخترته؟! ‏ ‏بناءً على مشاكل والام الزائر اللي بيقابلها وتمنعه من "زراعة 

الاسنان" إما لأن: عنده مانع مؤقت زي التهاب اللثة ولازم يحل المشكلة اول ويعالجها وبعدها يكمل ف مرحلة الزراعة.. ‏ او عنده 

مشكلة دايمة في عظم الفك وحلها صعب نوعا ما وتمنعه من الزراعة نهائيا وفيها مخاطرة وفشل او خسارة لفلوسه ووقته.. ‏ ‏ فانت 

هنا بتدور على البدائل وتحطها للزائر عشان: ‏ ‏اولاً تكون صادق معاه لانك مش مجرد سمسار للمراكز الطبية او الاطباء .. انت ناصح 

امين ‏ ‏ثانيا ولأنك ناصح امين فانت لازم تذكر ف سياق المقال الزراعة تنفع لمين ومين لأ واضرارها وعيوبها .. الخ . ‏فلما يشوف 

انها مش مناسبة له وملقاش البديل فورا هيخرج  وتخسر زيارته ويروح يدور في حتة تانية .. ‏ ‏لكن لما يلاقيك امين معاه ومش 

بتضحك عليه وعايز مصلحته ولأن بالفعل ظروفه محتاجة البديل هتبقى ضربت عصفورين بحجر.. ‏"نقلت الزائر الحالي لحل مشكلته 

ونبهته بالبديل واحتفظت بيه داخل موقعك + غطيت كلمات جديدة لها بحث فعلي من زائر جديد".. ‏ باختصار امشي مع الزاير ف 

رحلته خطوة بخطوة .. اللي ينفعه كمله معاه لأخر الطريق واللي مش مناسب له اديله البديل وتاني متنساش انت ناصح له ومخلص 

امين حتى لو على حساب نفسك ومصلحتك.. تالت خطوة الكلمات الرئيسية اللي بتغطي اي موضوع لازم لها كلمات داعمة تغطيها 

وترفعها ومش معنى انك اتكلمت عنها مرة يبقى خلاص كده .. بمعنى: لو اخدنا مثال لقسم "تقويم الأسنان" هتحتاج مقالات رئيسة 

تغطي الكلمة كموضوع وترفعها .. زي "ما هو-انواعه-طريقة تنظيفه..الخ" وطبعاً كلها بتحتوى على كلمة "تقويم الاسنان" ‏ بتيجي 

بقى ع كلمة كتبت عنها مقال شامل زي "تنظيف تقويم الاسنان" لازم تدعمها بكلمات مرتبطة وشديدة الصلة ومكملة وتحتوي ع 

نفس الكلمة عشان تساعد ف رفعها وف نفس الوقت تغطيها برضه زي كمثال: "عدد مرات تنظيف تقويم الاسنان" "كيف تحافظ 

على نظافة تقويم الاسنان" "كيفية اختيار فرشاة مناسبة لتنظيف تقويم الاسنان" وكل الكلمات دي مش اختراع من عندنا ولكن من 

مقترحات نتايج البحث واسئلة زوارك .. وصلت المعلومة؟! باختصار انت بتغطي الموضوع بالكامل ومش بتسيب ثغرة ولا بتنقل 

لموضوع تاني الا لما توفيه حقه وبتنقل لموضوع تاني ف نفس السياق عشان الزاىر يكمل معاك .. بتفيد الزاير وبتزود موقعك ثقة 

من محرك البحث.. رابع خطوة وهي ف الحقيقة كان المفروض تبقى تاني خطوة بس سبتها للأخر عشان متضيعش منك وتنساها 

وهي فهم سليم لرحلة ونية الزائر وبدونها مش هتقدر تستخرج الكلمات اللي هتشتغل عليها ولا هتقدر تجمع كل المرتبط في تصنيف 

واحد .. اي زائر له رحلة بتبدأ من وجود احتياج لمنتج عايز يشتريه او مشكلة عايز يحلها  .. وبيمر بعدة خطوات ف الرحلة واللي 

بتنتهي بمنتج او خدمة برضه. وبيقابله في الرحلة مشاكل وألام لو قدرت تفهمها وتحلها وتطمنه هتوصل معاه لبر الأمان وتحقق 

هدفه وهي مصلحته + هدفك وهو النجاح والربح.. ‏ وخلي بالك انا دايما بذكر مصلحته قبل مصلحتك لأن هي دي الأمانة اللي لازم 

تمشي بيها معاه طول الرحلة وهي ف الحقيقة بتبقى رحلة من 3 مراحل اساسية: نرجع تاني لمثال زراعة الاسنان عشان نفهم اكتر 

الزائر هنا عايز يشتري خدمة ومنتج ف نفس الوقت.. خدمة الزراعة من طبيب متخصص وشاطر + الضرس او السن كمنتج 

بمواصفات جيدة يعيش معاه .. وبيقابله ف السكة شوية مشاكل  وآلام مع تخوفات .. هنا الزائر لسه جاهل بالموضوع وعايز يفهمه 

ومحتاج توعية وشرح .. مهمتك ف اول مرحلة تديله مقالات معلوماتية تشرحله ماهية الزراعة وانواعها عيوبها اضرارها مشاكلها 

.. الخ اوجد كل المعلومات اللازمة اللي تنقله من مرحلة الجهل لمرحلة المعرفة .. تاني مرحلة بيمر بيها وبعد ما فهم الدنيا ماشية 

ازاي .. محتاج انه يقارن بين الانواع ويعرف المناسب لحالته وظروفه المادية .. هنا بتديله مقالات مقارنات بين الانواع المناسبة 

وافضلهم وتصلح لمين؟ ومين لأ؟ وليه؟ والبديل إيه؟ .. الخ تالت مرحلة الزائر خلاص وصل لمرحلة انه اختار وقرر بس محتاج 

تطمين اكتر انه اختار صح ومفيش مطبات هيقع فيها وان رأيه بيأكد عليه اطباء خبراء ف المجال + ناس جربت قبله ونجحت معاهم 

.. هنا بتديله مراجعات وريفيو لتجارب ناس حقيقية مع فيديوهات مضمنة ف المقال لأطباء ف المجال .. وبيتخلل المراحل طبعا حلول 

للمشاكل قبل واثناء وبعد الزراعة مع تطمين من التخوف والالام اللي عنده سواء الخوف من العملية نفسها او من فشلها ع المدى 

القريب او عدم ضمان نجاحها على المدى البعيد .. الخ او اللي ممكن يحصل بعد اتمام العملية او سعرها او المركز او الطبيب اللي 

هيعملها عنده والضمان اللي هياخده .. الخ كل ده لو قدرت تغطيه بشكل سليم وبدون تحيز لمصلحتك ويكون همك الاول والاخير 

مصلحة الزائر  هتنجح وتكسب بإذن الله.. ف النهاية دي كانت خطوات مختصرة لنواة نجاح مشروعك وتقدر تطبقه على اي مجال 

وخلي بالك لو انت لسه بتبدأ جديد اياك تنشر موقعك الا وعندك على الأقل موضوع كامل بمقالات اساسية وداعمة عشان محرك 

البحث يفهم محتواك ويأرشف صح والزائر يلاقي كل اللي محتاجه ف رحلته الأولى عندك.. ولو موقعك قديم الفرصة لسه قدامك .. 

وقف كتابة ونشر وتبدأ تعيد هيكلة للموقع وتنظم مواضيعك وتشوف اللي ناقص وتكمله وتعيد ربطه صح .. وبناء على مصلحة 

واحتياج ورحلة الزائر بس .. واركن هواك والصح من وجهة نظرك على جنب .. وارجع دايما للمقياس اللي يشاورلك ع الغلط عندك 

ويقولك الصح فين. دور على المتصدر عندك وبيجبلك اعلى الارباح ولو كانت بسيطة واشتغل عليه وكمله "افهم اساسيات مشرفي 

المواقع وانالتيكس عشان تقدر تقيس وتعدل" ملحوظة اخيرة بعض المجالات بتختلف فيها اقسام الموقع وتشعر لاول لحظة انها 

ملهاش علاقة ببعض وتلاقي نفسك تايه .. خاصة لو انت ف البداية وبتحاول تجمع كلماتك اللي هتشتغل عليها .. لكن لو انت 

متخصص وخبير ف المجال او ع الاقل تعايشت معاه وراقبت مشاكل الناس ف مجالك وقرأت فيه كتير هتقدر تشوفها صح وتصنفها 

عشان كده بنأكد ان اول النجاح الخبرة والتخصص ومعايشة اجواء مجالك حرفياً.. طبعاً مع عدم تجاهل الأدوات المكملة والمساعدة 

للنجاح واللي اكيد كلكم عارفينها او ع الاقل عندكم اساسياتها.. زي الاستضافة والقالب والتهيئة لمحركات البحث"سيو" والترويج 

سواء "الباك لينك الشرعي" او النشر الهادف ف منصات السوشيال وغيرها. المهم تبدأ بأساس سليم وواضح .. ويفضل محتوى 

مبني على بذرة دايمة الخضرة .. صحيح هتتعب معاه ف البداية لأنه هيكبر معاك كل يوم ويتوسع وياخد مجهود اكبر بس هيجي وقت 

وتجني ثماره وانت نايم.. لو عندك اي استفسار او شيء غير مفهوم يشرفني تعليقك وهجاوبك عليه ان شاء الله. 


📌🌟أصدقائي الغالين حبيب قلبي ♥ دا رابط الجروب اللي بنحل فية جميع مشاكل المحاكيات متنساش تنضم معانا وكلنا هنساعدك حبيب قلبي♥📌🌟


للإنضمام للجروب هتشرفنا حبيب قلبي ♥







***********************


***********************

ليست هناك تعليقات:

نموذج الاتصال

الاسم

بريد إلكتروني *

رسالة *