-->

الفرق بين الذاكره العشوائية او الرامات Random Access Memory في الموبايل وهل الرامات Ram الكتير سبب في تسريع الهاتف ؟ ام هناك سر آخر

السلام عليكم ورحمة الله وبركاتة قبل ما نبدا صل علي الحبيب محمد صل الله علية وسلم اهلا بيكم اصدقائي في مقال جديد اليوم بإذن 

الله اليوم هنتكلم عن معلومات مهمة جدا وايضا تصحيح بعض الأخطاء 

معلومة غلط لازم تتصحح الأول : وهى إن (رامات اكتر يبقى الموبايل اسرع) .. دى معلومة غلط X غلط .. طيب ليه؟ المسئول عن 

سرعة الموبايل هو (المعالج = CPU ) وخاصة عدد الأنوية او الكورات وسرعة المعالج وتقنية عرض الناقل ومعمارية البناء اللى 

مبنى عليها البرسيسور اوالمعالج   واللى بتتقاس بالنانو زى 12nm , 8nm  وهكذا.. يعنى كده زى موضوع معالجات الكمبيوتر كل ما سرعة المعالج  زادت 

وكل ما الكاش ميمورى بتاع المعالج زاد رقمه النتيجة سرعة فى الاداء  يعنى  بالبلدى المعالج هو اساس سرعة الجهاز . طيب امال  

الرامات دى وظيفتها ايه؟ نعرف يعنى ايه رامات Ram الأول : RAM = Random Access Memory = الذاكرة العشوائية يعنى ايه 

؟ يعنى دى عباره عن ذاكرة مؤقته بيتخزن فيها بيانات خاصة بنظام التشغيل والبرامج اللى بتشتغل فى الجهاز تخزين مؤقت  عشان 

لا يتم قفل التطبيق او تعطيل مهام المعالج  بشكل مؤقت .. يعنى  باختصار طول ما الرامات كبيره طول ما نظام الاندرويد هيقدر يسيب 

لك تطبيقاتك شغاله فى الخلفية  ده غير حرية عمل المعالج لكافة مهام النظام . معلومه هامة : لو حصل ان استهلاك الذاكره وصل 

للحد الاقصى من الــ Memory Usage المعالج ساعتها هيبدأ يعتمد على Virtual Memory في المساحة الداخلية للجهاز  وده 

معناه انك محتاج رامات اكبر بدون نقاش وكل ما كانت الرامات اعلى كانت افضل فالزياده في الرامات تحديدا تفيد ولا تضر ولكن 

افادتها بتظهر بوضوح كل ما تلاحظ نسبة Memory Usage بتوصل لمساحه اكبر وساعتها المعالج هيحصل له (تشويش برمجى) 

وهيبدأ يعمل اى حاجه عشان يطلع من الحالة دى  فيبدأ هنا اللاجات فى الجهاز واختناق المعالج الرسومى والجيمز تقفل وخاصة ان 

لو الرامات اتملت على الآخر وفيه تطبيق في اللى متخزن فيها  عامل Freeze  او متجمد ساعتها الجيمز هتطلع لوحدها والبرامج 

كلها هتهنج   وخاصة لو نظام الاندرويد عندكم 11 ده نظام  بشع فى استهلاك موارد الجهاز . كمان الامر بيعتمد على قوة المعالجات 

ايضا او ذاكره الفيديو رام vRam نفسها  ممكن تلاحظ تاخير في زمن المعالجه بسبب بطىء المعالج الرسومي او المركزي نفسه 

ولكن الذاكره لا تزال فارغه بنسبه تتجاوز 2GB . وعشان ما ندخلش فى تفاصيل تقنية كتير .. الخلاصة : فى الوقت الحالى ومع 

اندرويد 11 الحد الادنى لتشغيل اندرويد 11 تشغيل شبه مستقر كمان هو 4 جيجا رام أقل من كده النظام كله هيتخنق وحتى لو معاك 

معالج صاروخى مش هتستفاد منه لأن الرام القليله هتدمر لك تجربة الأداء كلها . لكن 6 جيجا رام  تعتبر مستقرة بنسبة 70% مع 

انداويد 11 وأنا عمال اركز على اندرويد 11 لانه استهلاكه لموارد الجهاز  كبير جدا ومحتاج عتاد قوى يقدر يشغله كويس .. فقلنا 6 

جيجا رام هتدينا اداء مستقر بنسبة 70%  فى الوقت الحالى . حد هيقول لى طيب حلو يا عم 70% حلو قوى .. هقول لك ما تبصش 

تحت رجليك ..  كل يوم بيعدى التكنولوجيا بتتطور وتتغير  وخاصة  فى ثورة البرمجيات الحالية وتعدد منصات التطوير  فالموضوع 

هيبقى  متعب على الرامات الاقل . اخر نقطه وهى اهم نقطه اللى هتحسم الموضوع والنقاش : انتوا عارفين ان كل شويه اجهزتنا 

بينزل لها تحديثات .. تمام .. احيانا تحديث يظبط وأحيانا تحديث يبوظ  الدنيا .. لأن مثلا جهاز فيه مشكله فى استهلاك البطاريه تقوم 

الشركه منزله تحديث  يصلح استهلاك البطاريه ويبوز استقرار الحرارة يعنى الجهاز يسخن أو يصلح مشكلة الحرارة ويبوظ

 استهلاك الرام  وهكذا ... وده معناه اننا معرضين لمشاكل تحديثات وده بيحصل فعليا علطول ومع كل الاجهزة .. وفى اغلب الاوقات 

التحديث بيخلى الجهاز تقيل  وبنقول  الجهاز اصبح تقيل وفيه لاج بعد التحديث وده لان التحديث اتسبب فى رفع نسبة استهلاك الرام 

للجهاز وده معناه ان كل اللى عندهم رامات قليله  اجهزتهم اتبهدلت مع التحديث وهم مش عارفين السبب .. وتلاقى ان نفس الجهاز 

ابو رامات اعلى صاحبه مش بيشتكى من بطىء الجهاز او اللاج  ليه لانه حتى لو التحديث اتسبب فى استهلاك الرام بشكل اكبر  هو 

عنده رامات عاليه فمحسش بالمشكله . يعنى  ابو رام 6 جيجا لو جاله تحديث  رفع استهلاك الرامات  من 4 جيجا لــ 5 جيجا مثلا 

ساعتها هيتخنق لان اللى فاضل 1 جيجا ودى مش هتكون كافيه لأداء مهام الجهاز بشكل كامل فهنا تحصل المشاكل واللاجات . اما 

اللى معاه نفس الجهاز رام 8 جيجا والتحديث رفع استهلاك الرام من 4 جيجا لــ 5 جيجا هنا  هيفضل له 3 جيجا  والنظام هيشتغل 

معاهم بحرية وسلاسه لانه عنده مساحه اكبر  يتعامل فيها النظام . أعتقد الموضوع اتفسر واتفصل .. واسف على الاطاله لكنه 

موضوع مهم جدا ويحتاج الي التفسير .

وفي النهاية ..!!

📌🌟أصدقائي الغالين حبيب قلبي ♥ دا رابط الجروب اللي بنحل فية جميع مشاكل المحاكيات متنساش تنضم معانا وكلنا هنساعدك حبيب قلبي♥📌🌟


للإنضمام للجروب هتشرفنا حبيب قلبي ♥







***********************


***********************

ليست هناك تعليقات:

نموذج الاتصال

الاسم

بريد إلكتروني *

رسالة *