كيفية حماية جهازك وهاتفك من الهجمات الإليكترونية والفيروسات الخبيثة والهاكرز

السلام عليكم ورحمة الله وبركاتة قبل ما نبدا صل علي الحبيب محمد صل الله علية وسلم اهلا بيكم اصدقائي في مقال جديد اليوم بإذن الله سوف نتعرف

 علي أكتر الأشياء المهمة اللي كلنا لازم نعرفها وناخد بالنا كويس جدا منها هو ايزاي نحمي أجهزتنا من الهجمات الإلكترونية 

والفيروسات والهاكرز  الحماية الإليكترونية او السايبر سيكيورتي بتعتبر في الوقت الحالي مهمة جدا عن اي وقت مضي .. وحاليا 

كل شي بيتم نقلة من خلال الانترنت يعني دلوقتي تقدر تتسوق عن طريق الانترنت وتدفع من خلال الانترنت.. وكمان ادارة  

الشركات زي بيع وشراء والاسهم عن طريق الانترنت من خلال حاسوبك في اي وقت  واي مكان ..  بالاضافة كمان لحسابات 

الالعاب اللي بتكون مسجلة في اجهزتنا والملفات المهمة جدا اللي بتكون متخزنة في أجهزتنا ومن غير ما تقول انا جهازي مفهوش 

اي ملفات مهمة اكيد كل واحد فينا لية خصوصيات مهمة جدا بتكون متخزنة في جهازة واكيد خايف عليها انها تتحذف او جهازك 

لقدر الله  يتعرض للاختراق بالاضافة كمان الحسابات البنكية اللي بتستخدمها في الشراء وبتدفع عن طريقها للتسوق.. ومتنساش 

الموضوع مش مقتصر علي الحسابات والاموال فقط .. يعني الهاكرز بيركز علي الاشياء البسيطة اللي يقدر من خلالها يسيطر عليك 

كليا ويخليك تدفع الرقم اللي محتاجة يعني من الاخر ابتززاز .. علي سبيل المثال شوية صور او مقاطع فيديو مهمة بالنسبالك  اهم

 عندة من حسابك البنكي يقدر الهاكرز يشفر ملفاتك المهمة وميرجعاش ليك غيرلما تدفع فدية عشان يفك ليك التشفير وتقدر تستخدم

 ملفاتك مرة تانية ودي حصلت كتييير مع دكاترة الجامعات وهنا السوال؟ لية دكاترة الجامعات بالتحديد هذكر ليكم موقف حقيقي 

تعرض لية دكتوري العزيز لما كنت بدرس في الكلية وهنا نخلي بالنا جدا من الموضوع دة وخصوصا دكاترة الجامعات لانهم اكثر 

عرضة للاختراق كان دكتور العزيز بيحضر الدكتوراة واكيد دكاترة الجامعات عارفة يعني اية دوكتراة ومدي الجهد والتعب والوقت

 والسهر  اللي بياخدة الدكتور لحد ما يخلص الدكتوراة وفي يوم وصل الكابل بتاع الانترنت في الجهاز بتاعة واشتغل شوية فظهرت 

لية رسالة فضغط عليها بالغلط ميعرفش اي هو مضمون الرسالة المهم ظهرت لية الرسالة مرة تانية وقفلها وبعد كدا كل شوية تظهر

 لية نفس الرسالة  ويقفلها كل ما يفتح الجهاز تظهر لية نفس الرسالة تاني ويقفلها المهم انا شوفت الرسالة بالصدفة علي جهازة 

فحاولت اعرف اي هو مضمون الرسالة ؟ فعرفت ان الجهاز اتصاب بفيروس اسمو الـ ران سام ووير هنتعرف علية كمان شوية  

 فقالي محتاجك تغير لي ويندوز ربما المشكلة تتحل قولت لية عادي مفيش مشاكل غيرت الويندوز وبرضوا نفس المشكلة لسة

 موجودة دخلت علي الملفات لقيتها كلها مشفرة وفية نوت باد مكتوب  فيها انوا تم تشفير الملفات من قبل هاكرز وكاتب بعض

 المعلومات مضمونها انك لو عايز تفك التشفير اتبع الخطوات دي للحصول علي مفتاح فك التشفير سعر المفتاح 1000 دولار.

الجهاز كان فية الملفات الخاصة بالدوكتراة وكان فاضل يوم او 2 علي المناقشة بالاضافة للصور المهمة الخاصة بية وملفات تانية 

كتير يعني الهاكرز اختار الوقت الصح عشان يخترقك فية ويضغط عليك فكان من ستر ربنا علية انوا كان واخد نسخة احتياطية من 

الملفات دي علي فلاشة فكل واحد يخلي بالة من لحظة زي كدة تضيع فيها كل ملفاتك فخلي نسخة احتاطية منها علي هارد تاني او 

علي فلاشة واحتفظ بيها 

فمن المهم جداا  ان تخلي بالك انك ممكن تخترق في اي لحظة وانت من ضمن الاشخاص اللي عندك ملفات مهمة يسيطر عليها الهاكرز 

فمن خلال الفيديو هتكلم عن اهم النصائح والادوات اللي ممكن تستخدمها عشان تكون محصن بشكل افضل من الهجمات الاليكترونية

 بس قبل ما نبدا نتكلم عن الخطوات مهم جدا نتعرف علي السيابر اتاك او الهجمات الاليكترونية وانواعها .

اول حاجة الهجمات الاليكرونية مش كلها عبارة عن فيروسات .

زمان ايام ويندوز اكس بي كان فعلا فية فيروسات غبية  لما بتصيب جهازك كانت بتخرب الويندوز  او بعض الوظائف الموجودة في 

الويندوز  بس دلوقتي بعد ما تتطورت انظمة التشغيل الفيروسات اصبحت شبة معدومة الوجود .. والتهديدات دلوقتي اصبحت اخطر 

بكتير من الاول وغير ملحوظة.. يعني مش هتتعرف عليها بسهولة زي الاول.. كان في الاول لما جهازك يتصاب بفيروس تقدر 

تعرف بشكل مباشر ان جهازك اتصاب بفيروس وتبدا في حل المشكلة في بدايتها قبل ما تصبح اخطر.. وكان الهدف منها التخريب 

بس دلوقتي الهدف من الهجمات اصبح اخطر بكتيير من الاول .. فالفيروس بشكل عام هو تطبيق خببيث بيقوم بنسخ وتكرار نفسة 

علي جهازك واجهزة اخري وبيعمل علي تخريب بعض وظائف النظام وتخريب الملفات الخاصة بيك .

تاني حاجة الـ مالوير يعني اي الـ مالوير هي برمجيات ضارة وخبيثة جدا.. وهي بتكون شمول للعديد من  الهجمات الالكترونية 

والفيروسات وبتكون نوع من انواع الـ مالوير .

الـ ران ساموير  وهي من برمجيات الفدية  و احد اخطر واسوء البرمجيات  الخبثة  اللي بيصعب التصدي لها حتي من قبل شركات 

وبرامج الحماية لان شركات الحماية قد تصاب بنفس البرمجيات الخبيثة والـ ران ساموير تقوم بقفل وتشفير جهازك بالكامل  وتطلب 

فيدية مقابل استرجاع ملفاتك زي ما وضحت ليكم في بداية الفيديو وعادة الفيديو تكون عن طريق عملة البيت كوين لان من المستحيل 

تقدر تتعقب تحويلات البت كوين وعادة الاجهزة بتتصاب بالفيروس دة عن طريق الايميملات والروابط المشبوهه وفي غالب الاوقات ممكن تدفع الفيدية ومترجعش ملفاتك 

الـ ماي ننج ووير وهي من برمجيات التعدين وهي برضوا برمجيات خبيثة بتقوم باستخدام واستغلال قوة جهازك وبالاخص كارت 

الشاشة او المعالج او الاتنين مع بعض في التعدين وبتقوم بارسال الارباح لجهاز الهاكرز الملعون يعني باختصار البرمجيات دي 

هتقضي علي امكانيات جهازك مع مرور الوقت ومن غير ما تاخد بالك وللاسف من الصعب جدا انك تعرف هل البرمجيات دي 

موجودة في جهازك ولا لا لان من اسمها برمجيات خبيثة فلو حسيت ببطي في الجهاز اعمل فورمات فورا عشان تحافظ علي موار جهازك قبل ما تتدمر 

الـ اد ووير وهي برمجيات اعلانات تقوم بوضع الاعلانات بكل مكان في جهازك وارسال ارباح الاعلانات لـ بن الملعون اللي عمل 

كدة والـ اد ووير فيروس منتشر بكثرة في الموبايلات وبرضوا في المتصفحات علي اجهزة اللكمبيوتر احيانا اول ما تفتح المتصفح 

تلاقي فية اعلانات كتير ظهرت ليك وتقفلها وتظهر ليك مرة تانية وهكذا الحل انك تحذف المتصفح نهائي وتثبتوا من جديد او تعمل 

فورمات بشكل كامل لجهازك المقصود تعمل ويندوز جديد  

دي بعض النصائح والادوات اللي تساعدك في تحسين الامان 

1)  متستخدمش كلمات سر سهلة وحاول تغير كل  كلمات السر اللي  عندك كل فترة مش تعمل كلمة سر وتفضل سنة 

متفكرش انك تغيرها لان احيانا بتحصل تسريبات لبعض الملعومات من مراكز او سيرفرات البيانات الخاصة بالشركات وحاجة مهمة 

جدا لازم تاخد بالك منها متخليش كلمات السر بتاعتك مثلا رقم موبايلك او تاريخ ميلادك او رقمك القومي من السهل جدا انك تخترق 

كدة يا جميل ههههههه حاول تخلي كلمة السر بتاعتك غير مفهومة وبتحتوي علي احرف كبيرة وصغيرة وارقام ورموز 

2) ابعد عن المواقع والايميلات المشبوهه ( الوقاية خير من العلاج ) لو انت عندك افضل واقوي برامج الحماية بس بتدخل 

علي مواقع مشبوهه وبقول انا كدة امن ومفيش حاجة هتحصلي انت كدة غلط 

3) ثبت اداة WOT Web of Trustعلي متصفح الانترنت عندك  ويب اوف توراست بكل اختصار هي اضافة بسيطة جدا 

بتضيفها لمتصفحك لو كان جوجل كروم او فاير فوكس الاداه بتعيلك فكرة عن المواقع والروابط اللي بتوصلك وحتي المواقع اللي 

بتدخلها هل هي امنة ولا غير امنة فالاداة مجانية ولازم الكل يستخدمها  

4)  ثبت اداة  اتش تي تي بي اس  ايفري ووير فية نوعين لتصفح الانترنت او صفحات الانترنت 

http  /  https 

 صفحات  http  بتكون غير آمنة    

صفحات  https  بتكون آمنة  وحرف الـ S ترمز لـ سكيور او آمن او مشفر  وممكن تعرف اذا تصفحك امن ولا لا

لو نظرت بجانب الرابط من فوق في المتصفح هتلاقي قفل صغير لو ضغطت علية هتلاقي كلمة كمنكيشن سكيور يعني الاتصال آمن 

ثبت اداة HTTPS Everywhere  بتجبر كل المواقع اللي بتدخل عليها تكون اتش تي تي بي اس مشفرة والاداة مجانية 

5 ) تاكد من تحديث النظام وبرامج الحماية ومن تحديث متصفحاتك اللي بتستخدمها 

6) استخدم برنامج حماية كويس يكون موثوق فية وديما بلاقي اسئلة كتير عن اي افضل برنامج حماية استخدموا لحماية 

جهازي بصراحة صعب الجواب علي السوال دة لان مفيش اجابة هتكون صحيحة بنسبة 100% علي السؤال دة بالتحديد لان كل يوم 

بيكون فية برامج افضل ومنافسة قوية بين شركات الحماية علي مين يقدم حماية افضل ولو عايز تعرف البرنامج الافضل هترك ليكم 

رابط موقع اسمو av-test موقع متخصص لخبراء الحماية وبيعملوا علي تقيم افضل برامج الحماية 

7)  واخير نصيحة متتغطش علي كل شي بيوصلك ويكون عندك فضول انك تعرف الحاجة دي اي ربما يكون فخ تقع فية وتضيع 

نفسك بنفسك فخلي بالك 

يعني اللي بيقولك اربح 1000 جيجا بايت مجانا 

او يقولك اشحن شدات في ببجي ببلاش عن طريق الايدي ودخل رقم موبايلك هنا 

او يقولك مبروك كسبت هاتف مش عارف اي 

لا تصدق كل دة وخلي بالك 

ولمزيد من التفاصيل شاهد الفيديو التالي

رابط تحميل الأضافة الأولي WOT Web of Trust, Website Reputation Ratings

رابط تحميل الأضافة الثانية HTTPS Everywhere

رابط موقع خبراء الحماية لمعرفة افضل التقيمات الخاصة ببرامج الحماية ومعرفة افضل برنامج حماية